EveryPhone ទូរសព្ទ Windows ដែលមានកម្រាស់ស្ដើងជាងគេបំផុត

កាលពីថ្មីៗនេះ ក្រុមហ៊ុនផលិតទូរសព្ទជប៉ុន Yamada Denki បានប្រកាសនូវទូរសព្ទដើរដោយប្រព័ន្ធប្រតិបត្តិការ Windows 10 មួយម៉ូដែល ដែលមានកម្រាស់ស្ដើងជាងគេបំផុត។

បើតាមការប្រកាសរបស់ក្រុមហ៊ុនបានឲ្យដឹងថា ទូរសព្ទម៉ូដែល EveryPhone មានកម្រាស់ត្រឹមតែ៦,៩ម.ម ប៉ុណ្ណោះ ដោយស្ដើងជាងទូរសព្ទ Nokia Lumia 830 មានកម្រាស់៨,៥ម.ម ដែលធ្លាប់ជាទូរសព្ទ Windows ស្ដើងជាងគេ។ ក្រៅពីមានកម្រាស់ស្ដើង ទូរសព្ទនេះក៏មាននូវលក្ខណៈសម្បត្តិពិសេសៗផងដែរ ដូចជាមានបំពាក់នូវ Processor quad-core ប្រភេទ Qualcomm Snapdragon 410។ អេក្រង់ទំហំ៥,៥អ៊ីញមានកម្រិត Resolution ៧២០x១២៨០ភីកសែល ហើយទូរសព្ទនេះមានពីរពណ៌ឲ្យជ្រើសរើសគឺពណ៌ខ្មៅ និងពណ៌ស។

EveryPhone នេះក៏មានបំពាក់នូវកាមេរ៉ាខាងក្រោយទំហំ១៣MP និងកាមេរ៉ាខាងមុខសម្រាប់ថត Selfie មានទំហំ ៥MP។ ចំណែកឯ RAM មានទំហំ២GB អាចជួយឲ្យការធ្វើប្រតិបត្តិការប្រព្រឹត្តទៅបានរលូនល្អ មានអង្គចងចាំក្នុងម៉ាស៊ីនទំហំ៣២GBដែលអាចបន្ថែមបាន និងមានថ្មកម្លាំង២៦០០mAh។

ទូរសព្ទ EveryPhone នេះមានដាក់លក់នៅក្នុងប្រទេសជប៉ុនតម្លៃ ៣៩ ៨០០យេន ដែលប្រហាក់ប្រហែលនឹង៣២៤ដុល្លារសហរដ្ឋអាមេរិក៕

ចុចអាន៖ Tablet ថ្មីរបស់ក្រុមហ៊ុន Xiaomi មានរូបរាងដូចជា iPad mini បេះបិទ

ប្រែសម្រួល៖ ហៃ សុខហេង
ប្រភព៖ PhoneArena

2016 Ducati 959 Panigale ទើបចេញថ្មី មានសមត្ថភាពគ្រប់គ្រាន់អាចផ្ដួលម៉ូតូខ្លះបាន

នៅក្នុងបទបង្ហាញមួយ Ducati 959 Panigale ជាម៉ូតូម៉ូដែលថ្មីរបស់ក្រុមហ៊ុនផលិតម៉ូតូអ៊ីតាលី Ducati ត្រូវបានអះអាងថា ផ្ដល់លំនឹងល្អពេលកំពុងបើកបរ។ ចង់ដឹងថា Ducati 959 Panigale មានលក្ខណៈពិសេសអ្វីខ្លះ៖

តម្លៃចេញពីរោងចក្រ	១៤ ៩៩៥ ដុល្លារ
ប្រភេទម៉ាស៊ីន	Superquadro (ម៉ាស៊ីនពីរ)
ទំហំម៉ាស៊ីន	៩៥៥CC
កម្លាំង	១៥៧សេះ
ប្រអប់លេខ	៦វគ្គ
សំបកកង់មុខ	Pirelli Diablo Rosso Corsa 120/70 ZR17
សំបកកង់ក្រោយ	Pirelli Diablo Rosso Corsa 180/60 ZR17
ហ្រ្វាំងមុខ	Brembo ៣២០mm ពីរបន្ទះជាមួយប្រព័ន្ធ ABS
ហ្រ្វាំងក្រោយ	Brembo ២៤៥mm ពីរបន្ទះជាមួយប្រព័ន្ធ ABS
ចំណុះធុងសាំង	១៧លីត្រ
ជម្រើសពណ៌	ក្រហម, សូត្រស

ម៉េចដែរប៉ុណ្ណឹងអាចប្រណាំងជាមួយនឹងម៉ូតូប្រណាំងផ្សេងៗបានអត់?

ប្រែសម្រួល៖ រដ្ឋ
ប្រភព៖ motorcycle

ថ្ងៃសម្រាក ដេកផ្ទះលេង Facebook នឹងធ្វើឲ្យអ្នកស្ត្រេសលើសដើម

អ្នកជំនាញជាច្រើនបានអះអាងថាបណ្ដាញសង្គម (Facebook, Twitter, Instagram, …) អាចនឹងបន្ថែមភាពតប់ប្រមល់កាន់តែខ្លាំង នៅពេលដែលអ្នកកំពុងមានអារម្មណ៍អផ្សុក ឬតានតឹងនៅថ្ងៃឈប់សម្រាក។

“បណ្ដាញសង្គមគឺពោរពេញដោយភាពតប់ប្រមល់គ្រប់បែបយ៉ាង”។ នេះបើតាម លោក Dr. Pamela Rutledge នាយកមជ្ឈមណ្ឌលស្រាវជ្រាវផ្នែកចិត្តសាស្ត្ររៀបរាប់។ លោកបានបន្តថា ការលេងបណ្ដាញសង្គមនាពេលបច្ចុប្បន្នអាចធ្វើឲ្យអ្នកមានអារម្មណ៍ថាកំពុងនៅជាមួយមនុស្សកើតទុក្ខ ដោយសារតែមនុស្សភាគច្រើនចូលចិត្តប្រើបណ្ដាញទាំងនេះដើម្បីបញ្ចេញទុក្ខព្រួយរបស់ពួកគេ។

លោក Rutledge បានលើកឡើងពីព្រឹត្តិការណ៍នាពេលថ្មីៗនេះ គឺភេរវកម្មនៅទីក្រុងប៉ារីស ដែលធ្វើឲ្យមនុស្សជាច្រើនមានអារម្មណ៍ក្រៀមក្រំ និងភ័យខ្លាចពេលពួកគេបើកបណ្ដាញសង្គម។ មនុស្សគ្រប់គ្នាតែងចង់ដឹង និងទទួលបានព័ត៌មានថ្មីៗអំពីព្រឹត្តិការណ៍ដែលកំពុងកើតឡើង ក៏ប៉ុន្តែនៅពេលមានហេតុការណ៍អាក្រក់ណាមួយកើតឡើង បណ្ដាញសង្គមនឹងគ្របដណ្ដប់ដោយរូបភាពអវិជ្ជមានកាន់តែច្រើន ដូចជាអំពើហិង្សា សោកនាដកម្ម និងការជេរប្រទេចគ្នាជាដើម។ “ពេលយើងឃើញរូបភាព និងសកម្មភាពបែបនេះរាល់ថ្ងៃ យើងនឹងចាប់ផ្ដើមមានអារម្មណ៍ថាពិភពលោកនេះគឺជាទីកន្លែងគួរឲ្យខ្លាច”។ លោក Rutledge ពន្យល់។

មូលហេតុដូច្នេះហើយ ការប្រើប្រាស់ Smartphone នឹងមិនមែនជាវិធីល្អឡើយ ប្រសិនបើអ្នកចង់គេចចេញពីអារម្មណ៍មិនល្អ កំឡុងពេលឈប់សម្រាក។

អ្នកស្រី Dr. Anne Marie Albano ជានាយកគ្លីនិកផ្នែកជំងឺផ្លូវចិត្តនិងអារម្មណ៍នៅប្រទេសកូឡុំប៊ី ក៏បានយល់ស្របនឹងការលើកឡើងនេះដែរ។ អ្នកស្រីបានប្រាប់សារព័ត៌មាន The New York Times នាពេលថ្មីៗនេះថា បណ្ដាញសង្គមអាចធ្វើឲ្យមនុស្សកាន់តែមានអារម្មណ៍ភ័យខ្លាច តាមរយៈការគំរាមកំហែងផ្សេងៗ ហើយអារម្មណ៍បែបនេះនឹងកើតមានកាន់តែខ្លាំងនៅពេលយើងនៅផ្ទះម្នាក់ឯង។

ក្រុមគ្រូពេទ្យជំនាញបានផ្ដល់ដំបូន្មានថា ដើម្បីបន្ធូរបន្ថយអារម្មណ៍ធុញថប់ នៅថ្ងៃឈប់សម្រាក អ្នកគួរចំណាយពេលដោយផ្ទាល់ជាមួយដៃគូ មិត្តភ័ក្ដិ ឬក្រុមគ្រួសារ នៅទីកន្លែងណាមួយ ឬចេញស្រូបយកខ្យល់អាកាសតែម្នាក់ឯងក៏បាន ៕

ចុចអាន៖៤ចំណុចត្រូវដឹងជាចាំបាច់សម្រាប់អ្នកប្រើប្រាស់ Firefox ឆែកអ៊ីនធឺណិតរាល់ថ្ងៃ

ប្រែសម្រួល៖ វ៉ាន់ថន
ប្រភព៖ huffingtonpost

ក្រុមហ៊ុន Ferrari បង្ហាញនាឡិកាដៃថ្មីស្អាតខ្លាំងតែតម្លៃមិនធម្មតា

ក្រុមហ៊ុន Ferrari បានបង្ហាញពីនាឡិកាដៃស៊េរីថ្មីរបស់ខ្លួនម៉ូដែល Gran Premio Worldtime ដែលមានការរចនារូបរាងយ៉ាងទាក់ទាញនិងបង្កប់នូវចំណុចពិសេសជាច្រើន។

នាឡិកាដៃដ៏កាលីបមួយនេះត្រូវបានផលិតឡើងដោយ Ferrari Styling Center ដែលដើរដោយប្រព័ន្ធមេកានិច Dubois-Depraz Swiss។ តួខ្លួនរបស់នាឡិកាដៃនេះផលិតឡើងពីសារធាតុដែលដូចគ្នាទៅនឹងរថយន្ត Ferrari FXX ដែរ ពោលផលិតពីសារធាតុកាបូន។

ferrari-unveils-new-limited-edition-timepiece-its-all-about-that-race-photo-gallery_2

អ្វីដែលជាចំណុចទាក់ទាញខ្លាំងរបស់នាឡិកាដៃនេះគឺត្រង់ថាអេក្រង់របស់វាមានបង្ហាញម៉ោងនៃទីក្រុងផ្សេងៗគ្នា ដូចជាទីក្រុង Maranello, ទីក្រុង Melbourne, ទីក្រុង Barcelona, ទីក្រុងសាំងហ្គាពួរ និងទីក្រុង Abu Dhabi ជាដើម។ កាន់តែពិសេសនោះគឺគេបានប្រើប្រាស់កញ្ចក់ដែលមើលធ្លុះនៅពីផ្ទៃខាងក្រោយនៃនាឡិកាដែលអាចមើលឃើញដំណើរការនិងគ្រឿងបន្លាស់របស់នាឡិកាបាន។

ferrari-unveils-new-limited-edition-timepiece-its-all-about-that-race-photo-gallery_6

គួរបញ្ជាក់ថានាឡិកា Ferrari ម៉ូដែល Gran Premio Worldtime មានផលិតតែ ៣០០ គ្រឿងប៉ុណ្ណោះ ហើយមានលក់លើទីផ្សារបរទេសក្នុងតម្លៃ ១៥៨៥ដុល្លារ៕

ចុចអាន៖ វីដេអូបង្ហាញ HTC One A9 រាងនិងសមត្ថភាពមិនចាញ់ iPhone 6/6 Plus គួរទិញមួយណា?

ប្រែសម្រួល៖ ហៃ សុខហេង
ប្រភព៖ AutoEvolution

បច្ចេកវិទ្យា Li-Fi ធ្វើតេស្តលើកដំបូងល្បឿនលឿនជាង Wi-Fi ១០០ដង

នៅទីបំផុតបច្ចេកវិទ្យាថ្មី Li-Fi បានឈានដល់ការធ្វើតេស្តក្រៅមន្ទីរពិសោធជាលើកទីមួយក្នុងប្រវត្តិសាស្ត្រដោយក្រុមហ៊ុន Velmenni។

Li-Fi គឺជាបច្ចេកវិទ្យាដែលប្រើប្រាស់នូវពន្លឺដើម្បីបញ្ជូនទិន្នន័យក្នុងល្បឿនលឿន។ កាលពីដើមឆ្នាំនេះ Li-Fi ធ្លាប់បានធ្វើតេស្តនៅក្នុងមន្ទីរពិសោធ ដោយវាមានល្បឿនបញ្ជូន 224 gigabits ក្នុងមួយវិនាទី។ ឥឡូវនេះក្រុមហ៊ុន Velmenni បានធ្វើតេស្តក្រៅមន្ទីរពិសោធវិញម្ដងដែលជាលទ្ធផលបង្ហាញថា Li-Fi មានល្បឿនបញ្ជូនទិន្នន័យ 1GB ក្នុងមួយវិនាទី នេះមានន័យថាលឿនជាងល្បឿនជាមធ្យមរបស់ Wi-Fi បច្ចប្បន្នដល់ទៅ១០០ដង។

Li-Fi ត្រូវបានរកឃើញដោយលោក Harald Hass សាស្ត្រាចារ្យនៃសកលវិទ្យាល័យ Edinburg ប្រទេសស្កុតឡែន។ លោកបានបកស្រាយថាប្រើប្រាស់តែអំពូល LED មួយ Li-Fi អាចបញ្ជូនទិន្នន័យបានខ្លាំងជាងបង្គោលអង់តែនទៅទៀត។ ឥឡូវនេះឈានដល់ការពិសោធជាក់ស្ដែងក្រុមហ៊ុន Velmenni បានបង្កើតអំពូលឆ្លាតវ័យមួយប្រភេទ ដែលនឹងជាដំណោះស្រាយយ៉ាងល្អសម្រាប់ឧស្សាហកម្មធំៗ។

គួរបញ្ជាក់ថាគេនឹងមិនប្រើ Li-Fi ជំនួសឲ្យ W-Fi ទាំងស្រុងនោះទេព្រោះការធ្វើបែបនេះត្រូវចំណាយថវិកាច្រើន ប៉ុន្តែ Li-Fi នឹងត្រូវប្រើដោយគួបផ្សំជាមួយ Wi-Fi៕

ចុចអាន៖ ក្រុមហ៊ុនផលិតឡាន Rolls-Royce សម្រាប់សេដ្ឋីៗ ចុះប្រាក់ចំណូលបុគ្គលិកវិញបានប៉ុន្មាន?

ប្រែសម្រួល៖ ហៃ សុខហេង
ប្រភព៖ fossBytes

កម្មវិធីកម្ចាត់មេរោគដែលល្អបំផុតសម្រាប់កុំព្យូទ័រផ្អែកលើការធ្វើតេស្ត

ក្រុមហ៊ុនធ្វើតេស្តកម្មវិធីកម្ចាត់មេរោគដ៏ល្បីមួយ AV-Test បានបង្ហាញឲ្យដឹងពីកម្មវិធីកម្ចាត់មេរោគដែលមានសមត្ថភាពខ្លាំងលើសគេទាំងសម្រាប់ Windows 7, 8.1 និង Windows 10។

កម្មវិធីកម្ចាត់មេរោគល្អបំផុតសម្រាប់ Windows 7៖

new-tests-reveal-the-best-antivirus-solution-for-windows-7-

បើផ្អែកលើលទ្ធផលបានពីការធ្វើតេស្តបានបង្ហាញថា Bitdefender គឺជាកម្មវិធីកម្ចាត់មេរោគលេខមួយសម្រាប់ Windows 7 ដោយសារតែវាទទួលបានពិន្ទុពេញពីការតេស្តលើបីចំណុច។ ឯកម្មវិធី McAfee ទទួលបានចំណាត់ថ្នាក់លេខពីរ តាមពីក្រោយដោយ Kaspersky ចំណាត់ថ្នាក់លេខបី។ សម្រាប់ Avira វិញជាកម្មវិធីប្រើប្រាស់ដោយឥតគិតថ្លៃដែលបានពិន្ទុល្អជាងគេ ពោលស្ថិតនៅចំណាត់ថ្នាក់លេខបួន។

កម្មវិធីកម្ចាត់មេរោគល្អបំផុតសម្រាប់ Windows 8៖

កម្មវិធី Bitdefender បានស្ថិតនៅចំណាត់ថ្នាក់កំពូលម្ដងទៀត តាមពីក្រោយដោយកម្មវិធី Kaspersky, Qihoo 360 និងកម្មវិធី Avira។

កម្មវិធីកម្ចាត់មេរោគល្អបំផុតសម្រាប់ Windows 10៖

the-best-antivirus-for-windows-10-avtest

លើកនេះកម្មវិធី Avira បានស្ថិតនៅចំណាត់ថ្នាក់កំពូលវិញម្ដង តាមពីក្រោយដោយកម្មវិធី Bitdefender ស្ថិតនៅចំណាត់ថ្នាក់លេខពីរ។ ដោយឡែកកម្មវិធី Quickheal និង Threattrack ជាកម្មវិធីដែលស្ថិតនៅបាតតារាងដោយទទួលបានពិន្ទុតិចជាងគេ៕

ចុចអាន៖ Galaxy S7/S7 Edge នឹងអាចបន្ថែម Micro SD Card និងអេក្រង់កោងប្លែកពីស៊េរីមុន

ប្រែសម្រួល៖ ហៃ សុខហេង
ប្រភព៖ fossBytes

Galaxy S7/S7 Edge នឹងអាចបន្ថែម Micro SD Card និងអេក្រង់កោងប្លែកពីស៊េរីមុន

មុខងារមួយដែល Samsung ពុំបានបំពាក់លើ Galaxy S6/S6 Edge គឺ Micro SD Card ដែលធ្វើឱ្យអ្នកប្រើប្រាស់ជាច្រើនខកចិត្តជាខ្លាំង តែមុខងារនេះនឹងត្រូវបំពាក់លើ Galaxy S7/67 Edge ដែលនឹងប្រកាសនៅឆ្នាំ ២០១៦ខាងមុខ។ នេះបើតាមវិបសាយ HDBlog.it។

គំរូ Galaxy S7 Edge

ប្រភពដដែលបានឱ្យដឹងទៀតថា GS7 នឹងមានអេក្រង់ ៥,២អ៊ីញ រីឯ GS7 Edge អេក្រង់ទំហំ៥,៧អ៊ីញ។ ចំពោះ GS 7 Edge នឹងត្រូវផ្លាស់ប្តូរទៅជាទូរសព្ទមានអេក្រង់កោងនៅផ្នែកខាងលើនិងខាងក្រោមជំនួសឱ្យអេក្រង់កោងនៅសងខាង ដែលនឹងកាន់តែពិសេសនិងមានមុខងារច្រើនជាង GS6 Edge។

បើអ្វីដែលបានលេចឮនេះ សុទ្ធតែជាការពិត វាជាដំណឹងមួយល្អសម្រាប់អ្នកដែលនិយមប្រើ Smartphone ត្រកូល Galaxy របស់ Samsung ដោយអាចបន្ថែម Micro SD Card បាន។

មួយវិញទៀត Galaxy S6 Edge កាលពីដើមឆ្នាំ២០១៥ បានឱ្យធ្វើអ្នកប្រើប្រាស់ជាច្រើនភ្ញាក់ផ្អើលដោយសាររូបរាងនិងអេក្រង់កោងសងខាងយ៉ាងពិសេស ដែលមានមុខងារជាច្រើនសម្រាប់បំពេញតម្រូវការអ្នកប្រើប្រាស់។ ចាំមើលតទៅទៀតថា GS7 Edge អេក្រង់កោងលើក្រោមខុសពី GS6 Edge នោះ តើរឹតតែពិសេសយ៉ាងណាទៅ៕

អាន៖ គួរទិញទូរសព្ទមួយណា រវាង Huawei Nexus 6P និង LG V10?

ប្រែសម្រួល៖ ប៉ែត ផាន់និត

ប្រភព៖ technobuffalo

iPhone 6s/6s Plus បន្តធ្លាក់ថ្លៃ ហាងនិងក្រុមហ៊ុនដាក់លក់ប្រជែងគ្នា

តម្លៃ iPhone 6s/6s Plus បានបន្តធ្លាក់ចុះឥតឈប់ ក្រោយពីបានចេញលក់ប្រហែលជាង២ខែកន្លងទៅនេះ ពោលគឺចុះនៅនៅត្រឹម ៧១០ដុល្លារសម្រាប់សម្រាប់ទំហំ 16 GB លក់នៅតាមបណ្ដាហាងនានាក្នុងទីក្រុងភ្នំពេញ ខណៈតម្លៃនៅតាមក្រុមហ៊ុននាំចូលផ្លូវការលក់ក្នុងតម្លៃខ្ពស់ជាង។ ចំណែកឯ Smartphone ម៉ូដែលផ្សេងទៀត ខ្លះក៏បន្តធ្លាក់ចុះ តែខ្លះទៀតនៅទ្រឹងដដែល។

បញ្ជាក់៖ តម្លៃទាំងនេះយកពីប្រភពហាងនានា និងអាចមានការឡើងចុះភ្លាមៗក្រោយការចេញផ្សាយនេះ។

អត្ថបទ៖ ប៉ែត ផាន់និត

Khmer News